ՀՀ ԳԱԱ ՕԴՔԳՏԿ Նուրբ Օրգանական Քիմիայի Ինստիտուտի (ՆՕՔԻ) №1 Լաբորատորիա
«Սիրտ-անոթային համակարգի գործունեությունը կարգավորող միացությունների դիզայն և սինթեզ»
📌 Լաբորատորիայի վարիչ: Ասյա Աղեկի Աղեկյան, քիմիական գիտությունների թեկնածու
📞 Հեռախոս: (+37410) 285-101
📧 Էլեկտրոնային փոստ: aaghekyan@mail.ru
ԳԱԱ ՆՕՔԻ թիվ 1 լաբորատորիայում իրականացվում են հետազոտություններ՝ ուղղված նոր կենսաբանորեն ակտիվ միացությունների ստեղծմանը, որոնք ազդում են սիրտ-անոթային և կենտրոնական նյարդային համակարգերի վրա, ինչպես նաև օժտված են հակաբակտերիալ, հակաօքսիդանտային և հակաբորբոքային հատկություններով։
Հետազոտական աշխատանքները ներառում են թթվածին- և ազոտ պարունակող հետերոցիկլիկ միացությունների՝
- 1,4-բենզոդիօքսանի
- 4-սպիրոտեղակալված տետրահիդրոիզոքինոլինի ածանցյալների դիզայնը և սինթեզը։
Բացի այդ, իրականացվում են չցիկլված նմանակների հետազոտություններ, ինչպես նաև հետերոցիկլիկ անելացված համակարգերի ստացում՝ դրանց կառուցվածքում ներմուծելով ֆարմակոֆոր խմբեր պարունակող տեղակալված հետերոցիկլեր, այդ թվում՝
- Թիոֆեն
- Պիրոլիդին
- Թիազոլ
- 1,3,4-օքսադիազոլ
- 1,3,4-թիադիազոլ
- 1,2,4-տրիազոլ
- Թիենոպիրիմիդին
Տարիների ուսումնասիրությունների արդյունքում լաբորատորիայում սինթեզվել են պոտենցիալ դեղամիջոցներ, այդ թվում՝
- Ֆոբուֆոլ,
- Դիֆալկին,
- Էմակոր,
- Բեդիտին,
- Մեսեդին։
